قل ولا تقل

[b][right]
حدثني مرة جار لنا عن زميلٍ له التقى الشيخَ ابن العثيمين - رحمه الله - فقال للشيخ :
" ادعي لي يا شيخ "
...
فقال له الشيخ :
" ذَكِّرني أدعُ لك "

فصاحبنا استغرب !!
يعني إيه " ذكرني أدع لك " ؟؟
طيب ما أنا بفكرك أهه ,
و لا أفكرك تدعي لي وقت تاني يعني و لا إيه ؟؟

فلما حكى الموقف ده لجارنا ,
قال له: إن الشيخ لا يعني بقوله " ذكرني " يعني فكرني ,
لكن يعني خليني " مُذكّر " و أنا أدع لك !!

يعني يقول له : " اُدْعُ لي يا شيخ "
و ليس :
" ادعي لي يا شيخ "

لأن المخاطب المذكر في فعل الأمر -سواء طلب أو دعاء- بيكون مجزوم ,
إما بالسكون أو حذف حرف العلة مثل :
ادعُ لي - صلِّ على السجادة ....

أما في حالة المؤنث ,
تبقى الياء في فعل الامر و تسمى ( ياء المخاطبة ) , مثل :
ادعي لي - صلي على السجادة .....


أكيد دلوقتي هتلاقي واحد بيقول , أو واحدة بتقول :
إيه حصة العربي اللي دخلنا فيها دي ؟؟

هقول ( له ) : لو عاوز تعرف ليه ؟؟
( صلِّ ) على النبي الاول ,

و هقول ( لها ) : لو عاوزة تعرفي ليه ؟؟
( صلي ) على النبي الأول ,

و وريني كده انت هتكتب الصلاة على النبي إزاي ؟؟؟
هتكتبها :
اللهم ( صلِّي ) و سلم عليك يا رسول الله
أم :
اللهم ( صلِّ ) و سلم عليك يا رسول الله

؟؟؟؟؟؟

أهو الموضوع قلب درس عربي علشان الحتة دي يا عم ,

لما تكلم ربنا و تخاطبه لازم تخاطبه بصيغة المذكر ,
و النداء أو الدعاء هو أصلا فعل أمر ,
و لما يكون للمذكر بتحذف منه حرف العلة , أو الياء ,

يبقى ( ما ينفعش ) تكتب :
يا رب (صلي) على النبي ,
أو
يا رب (اهديـني)
أو
يارب (أعطـيـني) ما أتمناه
.... إلخ

إنما تكتب :
يارب ( صلِّ) على النبي
أو
يارب ( اهدني )
أو
يارب ( أعطني ) ما أتمناه
.... إلخ


الغلط في الكتابة صغير , يادوب في حرف واحد ,
إنما الغلط في المعنى كبييييييييييير جداااااااااا

...................


جزاكم الله خيرا على القراءة ,

نسأل الله أن يوفقنا لما يحب و يرضى

الله الله ياجوهرتنا مش بقولك رائعة
صدقنى استفدت من كلامك لان ده خطاء بقع فيه
انت لكى ضوء الماس شكرا لكى على ماتعلمته اليوم من موضوعك الرائع صحيح هو اشبه بالحصة لكن حصة منها استفادة خير من نكته تحتاج لاعادة

[b]
العزيزة الغالية شهرزاد
والله انا منذ ان دخلت النت وكل هدفى ان نتعلم ونستغيد اكثر من التعليق
وانتى اليوم وصلتى الى الهدف مما ننتقى لنعرض
و هوة ان نتعلم ونستفيد مما نقرا
فلله الحمد ان كنت سبب فى ان تستفيدى وتسعدى بما تعلمتى
اشكرك ودمتى فى احسن صحة واسعد حال

[b]
اخيتى همس
نفعنا الله واياكى بما نقرا ونتعلم
لكى منى كل الامنيات بدوام الصحة والسعادة

أختي الفاضلة مي


مشكورة على الموضوع الراااائع
وعلى المعلومة القيمة جدا
بارك الله فيكِ غاليتي وجزاكِ الله عنا كل خير

[ندعوك للتسجيل في المنتدى أو التعريف بنفسك لمعاينة هذه الصورة]

[b]
الاخ ابن مصر
سعدت بمرورك جدا
بارك الله لك وفيك وبك

[b]
اختى الحبيبة زهرة
يعلم الله مدى سعادتى بكلماتك
دمتى بكل الود والمحبة

[b]
الاخ على الزهرانى
اللهم آمين
لقد اصبت اخى فى هديتك وهذا ما اطلبة من جميع اخوتى دعوة صادفة بظهر الغيب